Afurðaverðskrá sauðfjár 2026

Nú liggur fyrir verðskrá fyrir sauðfjárinnlegg haustsins. Verðskrána má finna HÉR eða undir flipanum „afurðaverð sauðfé“. Undir þessum lið má sjá hvernig mismunandi sláturálag hefur áhrif á verð í hverri viku. Flokkar innan verðskrár hækka mismikið en að jafnaði um 5,1% miðað við innlegg síðasta árs. Álagsgreiðslur í fyrstu vikum sláturtíðar verður með sama hætti og síðasta ár, en ekki verður greitt álag á dilka undir 13,5 kg.

Með þessari breytingu viljum við hvetja bændur til að bata smærri lömb og mæta vilja markaðarins um dilka yfir þessari þyngd.

Líkt og á síðasta ári verður greitt 8% álag ofan á verðskrá haustsins samhliða útgreiðslu innleggs.

Starfsmenn óskast í sláturtíð haustið 2026.

Um er að ræða hin ýmsu störf í húsinu. t.d í rétt, sláturlínu, kjötmati, kjötvinnslu, mötuneyti og þvottahús

Endilega hafið samband við skrifstofu í síma 455-2330 eða á

david@skvh.is

gerdur@skvh.is

Stefnt er að því að hefja slátrun mánudaginn  31. ágúst.

Álagsgreiðslur verða sambærilegar á komandi hausti og því síðasta. Sjá hér að neðan:

Ekki verður greiddar álagsgreiðslur á fullorðið og dilka undir 13,5 kg.

Ekki hefur verið tekin ákvörðun um afurðaverð enn sem komið er.

Vegna vandamála í geiðslukerfi verður ekki hægt að greiða út viðbótargreiðslu í dag þann 20.03. Það verður gert um leið og búið er að leysa vandann.

Vinna við hagræðingu innan og á milli kjötafurðasviðs KS, KN og sláturhúss SKVH heldur áfram af fullum krafti. Verkefnið þessa dagana snýr að aukinni sérhæfingu á milli starfsstöðva auk þess að fækka öllum óþarfa snertiflötum í flutningi og meðhöndlun frá vinnslu til neytenda. Með væntingar um árangur af þessari vinnu hefur ákvörðun verið tekin um að borga út 3,5 % viðbótagreiðslu miðað við innlagt dilkakjöt haustið 2025. Útgreiðsludagur er 20. mars.