Haustið 2020

Er nú ekki komin tími á fréttir !

sauðfjárslátrun í haust gekk vel og vorum við blessunarlega laus við covid-19, mikill viðbúnaður var hjá okkur og var allur utanaðkomandi aðgangur bannaður og viljum við þakka öllum fyrir að sýna því skilning 🙂

Meðalvigt dilka í haust var 17,4 kg og var alls slátrað 88.532 dilkum og 8.849 fullornu.

Lífið eftir sláturtíð gengur nú sinn vanagang og síðustu starfsmenn okkar frá póllandi flugu heim þann 11 des. síðastliðinn.

því miður hafa afmæliskveðjurnar ekki skilað sér inn að undanförnu og er því mikið verk fyrir höndum að standa skil á þeim 😉

Hallfríður Ólafsdóttir 12.08.

Stórbóndinn í Víðidalstungu og gæðastjóri sláturhússins (er reyndar í fæðingarorlofi) átti afmæli í Ágúst. Hallfríður er fædd og uppalinn í Víðidalstungu í Víðidal (sólardalnum) og er dóttir þeirra gæðahjóna Brynhildar Gísladóttur og Ólafs Óskarssonar. Hún fær hvorki titilinn frumburður né örverpi svo orðið "miðjumoð" hefur orðið fyrir valinu, þá helst fyrir sérstakan áhuga pistlahöfunds á þættinum Kappsmál sem sýnt er á Rúv á föstudögum þar sem þetta orð kemur reglulega fyrir. En Hallfríður er kvenskörungur og mikið eiginkonuefni og rekur myndarlegt sauðfjárbú ásamt systir og dóttur sinni.

Mynd gæti innihaldið: 2 manns, þ.á.m. Hallfríður Ósk Ólafsdóttir, hattur

 

Jónína Sigurðardóttir 20.08

Hún Nína sig eða "móðir" eins og hún er gjarnan kölluð er kannski ekki fastráðinn starfsmaður en hún á vissulega þetta sláturhús að eigin sögn. Nína er fyrrverandi bóndi á Kolugili í sólardalnum en fædd og uppalinn á Efri-Þverá sem gerir hana að systur hans Sverris (andliti sláturhússins).

móðir kemur til okkar á haustin og stjórnar eldhúsinu með harðri hendi enda ekki þekkt fyrir að liggja á skoðunum sínum eða eiga auðvelt með að stjórna ekki. Henni er margt til lysta lagt henni Nínu Sig , því ekki nóg með að elda ofan í yfir 100 manns þá virtist hún líka bara tala tungumál allra sem unnu í þessu sláturhúsi, sem var bara oft á tíðum mjög skemmtilegt og fróðlegt að fylgjast með, oftar en ekki var hent fram einhversskonar ensku með miklum sænskum hreim og svo sletti hún bara einhverju á diskana hjá þeim þó svo þeir hafi ekki skilið hana né hún þá. Hún vissi samt nákvæmlega hvað þeir vildu.

Mynd gæti innihaldið: 1 einstaklingur

 

Valur Karlsson 21.09

Valur er maðurinn á bak við öll flóknu kerfin í húsinu, ef eitthvað bilar í frystikerfi eða einhverju þess háttar þá er hann maðurinn sem þú hringir í, því það er kannski verra að láta Sverri og Skúla fikta of mikið í því 😉 Valur er stórbóndi á Bjargi í Miðfirði og rekur þar sauðfjárbú ásamt eiginkonu sinni ásamt því að halda frystinum gangandi í þessu fyrirtæki. Hann er nú frekar hógvær og fer lítið fyrir honum, kemur bara vinnur sína vinnu þegandi og hljóðalaust, segir okkur nú samt sem áður eitthvað merkilegt í matartímum og fer svo bara aftur heim til sín. Góður gæji hann Valur

Mynd gæti innihaldið: 1 einstaklingur, brosandi

 

Anna Oszwa 03.11

Anna kemur frá póllandi og hefur unnið hjá okkur síðan að land byggðist, já eða allavegana mjög lengi. Anna er frábær starfsmaður og hefur í gegnum tíðina verðir ein af aðal í kjötvinnslunni hjá okkur. Ef þið hafið einhverntímann velt því fyrir ykkur hver það mögulega er sem nennir að taka saman pöntun fyrir kaupfélagið þá er það hún Anna. Hún er reyndar hætt að nenna því núna þannig að við létum bara Þórunni gera það 😉 . Anna er fín blanda af móðir og Val, frekar hógvær og fyriferðalítil líkt og valur en samt sem áður kona með bein í nefinu eins og Nína Sig.

Mynd gæti innihaldið: 1 einstaklingur

 

Verðskrá haustins 2020

V R3 199 V R4 146 V P1 111 VH R3 64 VH P1 0 F R3 144 F R4 98 F P1 64 H R3 60 H R4 40 H P1 0 HR3, HR4 og HP1, 0 kr. frá og með 21. sept 2020 Innlegg 31 ágúst.- 11. sept. er greitt 18. sept. Innlegg Read More

V R3 199
V R4 146
V P1 111
VH R3 64
VH P1 0
F R3 144
F R4 98
F P1 64
H R3 60
H R4 40
H P1 0

HR3, HR4 og HP1, 0 kr. frá og með 21. sept 2020

Innlegg 31 ágúst.- 11. sept. er greitt 18. sept.

Innlegg 14.-25. sept. er greitt 2. okt.

Innlegg 28. sept – 9. okt. er greitt 16. okt.

Innlegg 12.-23. okt. er greitt  30. okt.

Innlegg 26. – 30. okt. er greitt  13. nóv.

Sláturkostnaður

Á úrkastgrip 550 kr.stk.

Verðfelling

x 6% verðfelling.

xx 12% verðfelling.

Rúið eða í tveimur reyfum kr. 850 á skrokk

Heimtaka

Taka þarf fram á fylgibréfi sláturgrips, senda netpóst eða hringja inn eigi síðar en degi fyrir slátrun ef um heimtöku er að ræða. Ekki er hægt að breyta í heimtöku eftir slátrun.

Gærur og innmatur fylgir ekki heimtöku.

Sláturkostnaður á heimtökudilka er kr. 5500 á stk. Veittur er 2.000 kr. afsláttur til þeirra sem leggja inn meira en 100 dilka, á fyrstu 15 dilkana í heimtöku og fyrstu 7 dilkana til þeirra sem leggja inn færri en 100 dilka.  Afsláttur gerður upp að lokinni sláturtíð.

Fullorðið og veturgamalt 4000 kr.stk.

7 parta sögun (læri heil, hækill hafður á, hryggur heill, frampartar heilir og slög heil) er innifalin í sláturkostnaði.

Fínsögun 50 kr.kg.

Viðbragðsáætlun SKVH

Nú fer að styttast í að sláturtíð hefjist og hefur viðbragðsáætlun SKVH vegna Covid-19 verið endurunnin síðustu vikur með það að markmiði að koma í veg fyrir að smit berist inn í starfsstöðina og /eða að starfsfólk lendi í sóttkví.

Sem hluti af viðbragðsáætlun verður Sláturhús KVH ehf. lokað öðrum en starfsfólki í ágúst, september og október nema annað verði tilkynnt.

frekari upplýsingar um hvernig málum heimtöku verður háttað kemur inn seinna

Með tilkomu viðskiptavefsins auðveldar hann okkur einnig að upplýsingar um afreikninga og vigtarseðla komist sem fyrst til skila.

við viljum minna á að þeir sem óska eftir því að fá vigtarnótur eða afreikninga senda heim í bréfpósti þurfa að hafa samband við skrifstofu í síma 455-2330 eða á netfangið gerdur@skvh.is

afmælisbarn júní mánðarar :)

Góðan daginn kæra fólk

vegna tæknilegra örðuleika þá kemur afmæliskveðja júní mánaðar frekar seint. Að þessu sinni áttum við bara eitt afmælisbarn í júní.

Abdulwahab Abd Alhaji

Abdulwahab kom til Íslands fyrir rúmu ári síðan og er búin að vinna hjá okkur síðan síðasta haust. Abdulwahab er frábær starfskraftur sem gefur lífinu lit, það hefur verið skemmtilegt að fylgjast honum vaxa og dafna í starfi sem og í samfélaginu okkar. Hann var ekki búin að vera lengi á íslandi þegar hann komst í fréttirnar fyrir að vera að moka snjó frá húsum með félaga sínum fyrir fólk hér á Hvammstanga.

Hann er rosalega duglegur að læra íslenskuna og það er hreinlega mjög skemmtilegt að fylgjast með honum og félaga sínum honum Marcin tala saman og kenna hvor öðrum sýrlensk og pólks orð sem ég held að séu ekki alltaf þessi hefðbundnu orð eins og Halló eða eitthvað álíka. þeir kenna hvor öðrum eitthvað, segja þeim svo að segja það við einhvern og fara svo að skellihlægja. Mjög skemmtilegt.

Við vonum að Abdulwahab og fjölskylda hans verði hjá okkur sem lengst því þau eru frábær.

Nýr frystir og afmælisbörn mánaðarins

Góðan og fallegan daginn. Hér er það helst í fréttum að bygging á nýjum frysti við sláturhúsið er hafin og skotgengur enda fullmargir úr hólaættinni að vinna við hana. Það var allavegana þannig að mínu heimili þegar ég var ung að ef maður dreif sig ekki þá lifði maður ekki af ! (já eða fékk ekki að koma inn fyrr en maður var búin) svo þið getið rétt ímyndað ykkur hver vinnuhraðinn er.

Afmælisbörn mánaðarins

Eru tvö að þessu sinni og ekki af verri endanum.

Birgir alltsvo Theódórsson

Frozen Images (With images) | Disney frozen olaf, Disney olaf ...

Okkar mennski Ólafur úr Frozen enda allsráðandi á frystinum. Biggi er ekki svo ólíkur Ólafi, bara lítill krúttlegur gaur sem elskar heitt knús og að liggja í sólbaði. Birgir eða Biggi The eins og flestir þekkja hann kemur frá Sveðjustöðum í Miðfirði. Hann er vel kvæntur og á tvö börn en hann er ekki með facebook.

Það er alltaf gott að koma upp í kaffi á morgnana vitandi það að Biggi mun sitja í horninu sínu með kaffibollan sinn spenntur að hitta mann. Það besta er að ef maður gleymir símanum sínum þá flettir maður bara upp í Bigga, hann er okkar eigið wikipedia.

Biggi er líka maðurinn sem þeysist hér fram og til baka á planinu á tveimur jafnfljótum, í snjógallanum, svo hratt að maður óttast það helst að hann takist á flug á einhverjum tímapunkti.

Það er gott að hafa einn Bigga sem sér til þess að allt kjöt komist á leiðarenda. svo mikill er máttur hans 😉 En Biggi er líka frábær gaur og við erum heppin með hann.

Þormóður Ingi Heimisson

Þormóður eða Tommi eins og við köllum hann flest er hitt afmælisbarnið okkar.

En hver er þessi Þormóður hugsa eflaust margir sem ekki til hans þekkja. Hvað þarf maður að vita um hann Þormóð

Jahh ég segi nú bara hvað þarf maður ekki að vita !!! hver er Tommi á Sauðadalsá ?!?

Fyrir það fyrsta þá er hreinlega ótrúlegt að maðurinn skuli ekki vera Kári stefánsson eða eitthvað !

Maðurinn hefur lengi vel leitað eftir því að vera í sviðsljósinu og byrjaði ungur að trana sér fram, hér að neðan er að sjá frétt úr DV undir liðnum Veiðivon þar sem flugukastarinn ungi fer á kostum. Vonarstjarna Vatnsnesinga Þormóður Ingi gjöriði svo vel 😉

Tommi okkar er líka afburðar gáfað eintak og ég hreinlega farin að halda að hann hafi gert hvað sem er til að koma sér í sviðsljósið. Hér fyrir neðan má t.d sjá að hann hefur lagt það á sig að fá hæstu einkunn á náttúrufræðibraut bara til þess eins að fá nafnið sitt birt á fréttamiðli !! AFTUR !!

en þetta er ekki það eina vissir þú líka að Tommi hefur skorað 2 mörk með Kormáki, er réttarstjóri í Hamarsrétt og hefur gert rannsókn og búið til plaggat um Population structure and reproduction of the beach flea (Orchestia gammarellus) at thermal and non-thermal sites in Iceland (hvað sem það nú þýðir). það er alveg misjafnt hvað fólk leggur á sig fyrir athyglina en Tommi fór bara alla leið.

Já það er óhætt að segja að hann Tommi sé fengur og kannski ekkert skrítið að hann hafi farið í starf gæðastjóra. Þvílík gæði í einum manni. Takk Heimir og Þóra

Þangað til næst