Category: Fréttir

það hafa eflaust margir tekið eftir því að inná afurðarmiðann vantar viðbótargreiðslurnar, það er verið að vinna í því að laga þetta og keyra inn afurðarmiðana aftur og þá með upphæð viðbótargreiðslanna.

í millitíðinni er hægt að hafa samband í síma 455-2330 eða senda tölvupóst á netfangið gerdur@skvh.is til þess að fá sendann réttan afurðarmiða.

kæru viðskiptavinir SKVH

afurðarmiði vegna ársins 2022 er nú orðin aðgengilegur á viðskiptavef sláturhússins

Allir afreikningar, vigtarseðlar og reikningar ættu einni að vera aðgengilegir þar, ef þið lendið í einhverjum vandræðum meða að opna skjöl eða PDF viðhengin eru ekki til staðar endilega hafið samband við skrifstofu Sláturhússins í síma 455-2330 eða á netfangið gerdur@skvh.is

Nú er slátutíð lokið og hafa öll innlegg verið greidd út til bænda.

Í síðustu greiðslu haustsins sem var gerð 11.11.2022 voru hins vegar sameinaðar 3 greiðslur og gætu því nokkrir furðað sig á þessum aukakrónum sem komu inn á bankareikninginn 😉

Síðasta greiðslan gæti innhaldið bæði innlegg 24.-27. okt, sem og heimtökuafslátt og uppbótargreiðslu, eða eitt eða blöndu af fyrrnefndum greiðslum.

Hægt er að nálgast upplýsingar vegna greiðslanna inn á viðskiptavef Skvh.

Heimtökuafslátturinn er undir kreditreikningar og var bókaður 03.11.22 og 07.11.22

Uppbótargreiðlan kemur í afreikningaflipann og var bókuð 11.11.22

Passa þarf að velja réttar dagsetnignar í dagatalinu fyrir ofan til að fá þessa reikninga upp

Yfir og út 🙂

Kjötafurðastöð Kaupfélags Skagfirðinga (KKS) og Sláturhús KVH (SKVH) birta hér með verðskrá fyrir sauðfjárinnlegg á komandi hausti.

Eins og bændum er kunnugt og fram kom í fréttabréfi afurðastöðvanna fyrr í vor, https://ks.is/starfsemi/kjotafurdastod/ , þá hafa orðið gríðarlegar hækkanir á öllum aðföngum til búrekstrar sem og allrar matvælaframleiðslu hvar sem á það er litið. Þetta hefur leitt til hækkunar á öllu matvælaverði í heiminum. Framleiðsla sauðfjárafurða hefur dregist mikið saman á undanförnum árum og fyrirséð að svo verði einnig í haust. Mikilvægt er að stöðva þá þróun.

„Sprett-nefndin“ hefur skilað af sér tillögum til ráðherra og ríkisstjórn samþykkt fjárveitingu til einskiptis stuðnings til bænda sem vonandi hjálpar eitthvað. Ljóst er hins vegar að finna þarf varanlegri lausnir til að styrkja innlendan landbúnað til lengri tíma svo hann standist samkeppni við framleiðslu frá öðrum löndum.

Eins og fram kom einnig í áður nefndu fréttabréfi þá var greidd innágreiðsla í maí inn á innlegg á komandi hausti uppá 30 kr. á kg. Tekið var mið af innleggi síðasta haust. Leggi innleggjandi meira inn á komandi hausti fá þeir 30 kr. greiddar á hvert kg dilkakjöts umfram, en sé innleggið minna þá halda þeir því sem þeir hafa þegar fengið. Þessi greiðsla er hugsuð einnig sem einskiptis aðgerð til stuðnings við sauðfjárinnleggjendur hjá afurðastöðvum okkar til að mæta þeim kostnaðarhækkunum sem dunið hafa á greininni. Þeir bændur sem koma nýir inn í viðskipti við afurðastöðvarnar í haust fá einnig greiddar í lok sláturtíðar aukalega 30 kr. á kg ofan á útgefið afurðaverð.    

Afurðaverð 2022

Ef tekið er mið af slátrun og flokkun hjá KKS síðastliðið haust þá verður greitt að meðaltali 709 kr. fyrir kg á innlagt dilkakjöt á komandi hausti. Ofan á það bætast svo 30 kr. eins og fyrr greinir.

Verð á FR og VR flokka hækkar einnig talsvert eða um 15-35% mismunandi eftir flokkum.

Ef tilefni verður til endurskoðunar á afurðaverð í aðdraganda sláturtíðar þá verður það tilkynnt um leið og ákvörðun breytinga liggur fyrir.

Nýjir innleggjendur

Við viljum eindregið benda nýjum innleggjendum á að kynna sér heimasíðuna og viðskiptavef Sláturhúss KVH. En inná heimasíðunni má finna t.a.m. atriði sem að snúa að hvað bera að hafa í huga fyrir flutning, eyðublöð fyrir nýja innleggjendur svo eitthvað sé nefnt. Á viðskiptavef Sláturhúss KVH má finna alla vigtarseðla, reikninga og afreikninga.

Einnig má hafa samband beint á skriftofuna ef eitthvað er óljóst í síma 455-2330

Sláturtíð hefst

Sláturtíð hefst mánudaginn 29. ágúst hjá SKVH. Ef breyta eða panta þarf fyrir slátrun þarf að gera það tímanlega hjá Sveinbirni í síma 895 1147 eða með tölvupósti á svenni@skvh.is . Áætlað er að ljúka slátrun í viku 43.

Geitur 4.700 kr heimtaka